مینگورہ شہر میں نامعلوم افراد کی فائرنگ ، زرگرقتل

مینگورہ شہر میں نامعلوم افراد کی فائرنگ ، زرگرقتل ، ملزمان فرار ہونے میں کامیاب ، سوات جیولرز ایسوسی ایشن کا ایک روزہ سوگ کا اعلان ، دکانیں احتجاجاً بند ، قاتلوں کو گرفتار کرنے اور جیولرز برادری کو تحفظ دینے کامطالبہ ، تفصیلات کے مطابق مینگورہ شہر کے وسطی محلہ فتح خان خیل میں افتخار جیولرز کے مالک افتخار کو نامعلوم افراد نے فائرنگ کرکے دکان کے اندر قتل کردیا ، ارتکاب جرم کے بعد نامعلوم ملزمان فرار ہونے میں کامیاب ہوگئے ، ادھر سوات جیولرز ایسوسی ایشن کی عبوری کابینہ کاہنگامی اجلاس زیر صدارت عبوری صدر حاجی رحمان زادہ منعقد ہوا ، جس میں زرگر برادری سے پر امن رہنے کی اپیل اور ایک روزہ سوگ کااعلان کرتے ہوئے جیولرز کی تمام دکانیں بندکردیں، اجلاس میں جیولرز مشران نے بھی شرکت کی ، شرکاء نے حکومت ، پاک فوج اور سوات پولیس سے قاتلوں کی فوری گرفتاری اور جیولرز برادری کو تحفظ فراہم کرنے کامطالبہ کیاگیا۔

آگے پڑھیں

شباب ملی زون پی کے80 کی تنظیم نو مکمل

مینگورہ شباب ملی زون پی کے80 کی تنظیم نو مکمل ، محمد نواز کاکاخیل صدر منتخب ہوگئے ، شباب ملی زون پی کے اسی کے میڈیا سیل سے جاری شدہ بیان کے مطابق زو ن پی کے اسی کے تنظیم نو کیلئے ایک خصوصی اجلاس منعقد ہوا جس کے مطابق محمد نواز کاکاخیل اور اسد اللہ سینئر نائب صدر، محمد آیاز لالہ نائب صد ر، یحییٰ خان جنرل سیکرٹری سعید اللہ خان پریس سیکرٹری ، انور علی فنانس سیکرٹری جبکہ خواجہ عرفان اللہ کو آفس سیکرٹری مقرر کیاگیا ، اجلا س سے خطاب کرتے ہوئے نومنتخب صدر محمد نواز کاکاخیل نے کہاکہ شباب ملی نوجوانوں کوغلط ماحول اور غلط معاشرے سے بچانے میں کلیدی کردار ادا کرتا ہے ، بلدیاتی انتخابات کے حوالے سے انہوں نے کہاکہ شباب ملی کے نوجوانان بلدیاتی انتخابات میں بھرپور حصہ لیں گے۔

آگے پڑھیں

گریلو صارفین کے چولہے ٹھنڈے پڑ گئے

سیدوشریف سوئی گیس کی طویل لوڈشیڈنگ اور گریلو صارفین کے چولہے ٹھنڈے پڑ گئے ، صبح کے وقت اور شام آٹھ بجے تک گنبدمیرہ میں سوئی گیس نہیں ہوتی ،جس سے گنبدمیرہ مینگورہ کے غریب عوام سخت پریشانی میں مبتلا ہیں اور جلانے کے لئے لکڑی بھاری قیمتوں میں خرید رہے ہیں ، ان خیالات کااظہار کرتے ہوئے گنبدمیرہ مینگورہ کے فیصل اقبال ، حسن اقبال اور حیات خان نے اپنے خیالات کااظہار کرتے ہوئے کیا،انہوں نے کہاکہ پی ٹی آئی حکومت کو عوام کی مینڈیٹ سے پختونخوا حکومت ملی ہے ، اور مسلم لیگ ن کوبھی مرکز میں عوام نے اپنے مسائل کے حل کیلئے جو بھاری مینڈیٹ دیا ہے یہ عوام کیلئے عذاب بن گیا ہے ، بجلی لوڈشیڈنگ کے ساتھ سوئی گیس کی طویل دورانیہ نے گھریلو صارفین کو ذہنی مریض بنارکھا ہے ، انہوں نے کہاکہ بچے صبح کے وقت سوئی گیس بندش کی وجہ سے بغیر ناشتے سکول جاتے ہیں اور اکثر سوکھے روٹے کھانے پر مجبور ہوتے ہیں ، اس طرح شام کے وقت تین بجے سے رات آٹھ بجے تک سوئی گیس نہیں ہوتا اور بچے دس بجے را ت کاکھاناکھاتے ہیں اور اکثر بھوکے پیاسے سوجاتے ہیں انہوں نے کہاکہ وزیراعظم پاکستان کو غریب عوام کا درد معلوم نہیں لیکن زیادہ تر عوام مہنگائی بڑھتی ہوئی قیمتوں اور بجلی کی لوڈشیڈنگ اور سوئی گیس کی طویل دورانیہ بندش پر حکمرانوں سے نجات پانے کیلئے ہاتھ اٹھاکر دعاکرتے ہیں اور یہ دعا ایک دن رنگ لے آئیگی۔

آگے پڑھیں

کلرکس برادری کا مطالبہ منظور نہ کیا تو پوری فاٹا میں زبردست احتجاجی مظاہرے ہونگے

دیرلوئر اگر حکومت نے کلرکس برادری کا مطالبہ منظور نہ کیا تو پوری فاٹا میں زبردست احتجاجی مظاہرے ہونگے ، صدر باجوڑ کلرکس برادری کا اجلاس سے خطاب ، باجوڑ ایجنسی کلرکس برادری کے صدر حاجی غلام سرور خلوزئ نائب صدر اکبر خان نے کارنر میٹنگ سے خطاب کرتے ہوئے کہاہے کہ حکومت دیگر ملازمین کی طر ح کلرکس برادری کا اپ گریڈیشن نوٹیفکیشن جاری کریں، انہوں نے کہا کہ سابق حکومت نے کلرکس برادری کا اپ گریڈیشن منظور کیا تھالیکن تاحال اس کے نوٹیفکیشن نہیں ہوا ، حاجی غلام سرور خلوزئ نے حکام بالا سے پرزور مطالبہ کیا ہے کہ کلرکس برادری کے اپ گریڈیشن فوری کریں بصورت دیگر تمام فاٹا اور باجوڑ ایجنسی تحصیل سلارئ ، تحصیل مامند ، ریاست ، نواگی اور دیگر تحصیلوں کے کلرکس برادری احتجاج پر مجبور ہونگے۔

آگے پڑھیں

صفائی مہم کاآغاز کیاجائے گا

کبل پاک فوج کے زیر اہتمام آج سے ڈڈھرہ اور دیگر مختلف علاقوں میں صفائی مہم کاآغاز کیاجائے گا ، صفائی مہم میں عوام بڑھ چڑھ کر حصہ لیکر بھرپور مہم چلائیں گے ، بہترین صفائی کرنیوالوں کو آرمی کی جانب سے بھرپور حوصلہ افزائی ہوگی ، تفصیلات کے مطابق پاک فوج اکتیس کیولری کے زیر اہتمام آج پیر کے دن سے ڈڈھرہ اور دیگرمضافاتی علاقوں میں بھرپور صفائی مہم کا آغاز ہورہا ہے صفائی کے دوران پارک ، گلی کوچوں، ندی نالیوں ، سڑکوں ، شہری راستوں، سکولوں، ہسپتالوں اور دیگر مقامات کی صفائی بھرپور طریقے سے کی جائے گی ، صفائی مہم پاک فوج اکتیس کیولری کے زیر اہتمام ہوگی ، جس میں علاقائی مشران ، شہری بڑی تعداد سے حصہ لیں گے جبکہ میونسپل کمیٹی کے اہلکار بھی مہم کامیابی میں کردارادا کریں گے جبکہ پاک فوج کے میجر عامر جاوید بنگش جاری صفائی مہم کاجائزہ لیں گے اور صفائی میں بہترین کردار ادا کرنے والوں کی ہر ممکن اور بھرپور حوصلہ افزائی کی جائیگی ممبر امن کمیٹی اور سماجی شخصیت شاہ وزیر خان نے صفائی مہم کے حوالے سے بتایا کہ آج سے شروع کی جانیوالی مہم میں شہری بڑھ چڑھ کر حصہ لیں گے اور پاک فوج کے شانہ بشانہ اس مہم کو کامیابی سے ہمکنار کریں گے۔

آگے پڑھیں

اسسٹنٹ کمشنر فروخ عتیق کی غیرقانونی واٹر سپلائی کنکشن کے خلاف کارروائی

سوات اسسٹنٹ کمشنر فروخ عتیق کی غیرقانونی واٹر سپلائی کنکشن کے خلاف کارروائی کا اغاز ،پہلے ہی روز 18غیر قانونی کنکشن کاٹ دئے ،اور مزید غیر قانونی واٹر سپلائی کنکشن کے خلاف کارروائی جاری ہے اسسٹنٹ کمشنر فروخ عتیق ،تفصیلات کے مطابق نے مینگورہ اور ملحقہ علاقوں میں غیر قانونی واٹر سپلائی کنکشن کے خلاف کارروائی کا آغاز کردیا ہے پہلے ہی روز علاقے میں آٹھارہ غیر قانونی واٹر سپلائی کنکشن کاٹ دئے گئے اسسٹنٹ کمشنر فروخ عتیق نے میڈیا سے گفتگو کرتے ہوئے کہا کہ مینگورہ اور ملحقہ علاقوں میں غیر قانونی واٹر سپلائی کنکشن کے خلاف کارروائی کا آغاز کردیا گیا ہے کسی کے ساتھ کوئی رعائت نہیں ہوگی پہلے ہی روز علاقے میں آٹھارہ غیر قانونی واٹر سپلائی کنکشن کاٹ دئے گئے ہے اور یہ کارروائی جاری رہیگی میں غیر قانونی واٹر سپلائی کنکشن لگانے والے افراد پر واضح کرتے ہے کہ فوری طور پر غیر قانونی کنکشن کاٹ دیا جائے ورنہ اُن کے خلاف قانو ن کے مطابق کارروائی کی جائیگی اس میں ملوث افراد کو جیل بھیج دیا جائیگا۔

آگے پڑھیں

رنگ محلہ کے مکینوں کا احتجاجی مظاہرہ اور دھرنا

سوات سوئی گیس اور پانی کی عدم فراہمی پر رنگ محلہ کے مکینوں کا احتجاجی مظاہرہ اور دھرنا ، عوامی نمائندوں اور انتظامیہ کیخلاف شدید نعرے بازی ، مظاہرین نے مین چوک میں دھرنا دیکر کئی گھنٹوں تک ٹریفک بلاک رکھا ، انتظامیہ کے ساتھ کامیاب مذاکرات کے بعد احتجاج ختم کر دیا گیا ، تفصیلات کے مطابق ،مینگورہ شہر کے رنگ محلہ میں گزشتہ کئی ہفتوں سے پانی اور سوئی گیس کی عدم فراہمی پر علاقے کے مکینوں اور بچوں نے ہاتھوں میں مٹکے اور گیس سلنڈر اُٹھا کر مین چوک میں احتجاجی دھرنا دیا مظاہرین نے عوامی نمائندوں اور انتظامیہ کیخلاف شدید نعرے بازی کی انہوں نے کہا کہ انتہائی افسوس کا مقام ہے کہ محلہ میں گزشتہ کئی دنوں سے گیس اور پانی کی شدید قلت ہے لیکن اس پر متعلقہ حکام اور عوامی نمائندوں نے آنکھیں بند کر لی ہے اس دوران اے سی فروخ عتیق نے موقع پرٹی ایم اے حکام کو پانی فراہم کرنے کی احکامات جاری کئے،اور محکمہ سوئی گیس کی حکام کا مٹینگ بدھ کے روز طلب کرلیا ،مظاہرین نے حکومت اور انتظامیہ کے خلاف شدید نعرہ بازی کی جس کے بعد اسسٹنٹ کمشنر فروخ عتیق مظاہرین سے مذاکرات کیلئے پہنچ گئے ،اے سی فروخ عتیق نے موقع پر ٹی ایم اے حکام کو احکامات جاری کردئے اور محکمہ سوئی گیس کی میٹنگ بدھ کو طلب کر لیا مظاہرین نے اے سی کی یقین دہانی کے بعد دھرنا ختم کردیا ہے دریں ا ثناء اے سی فرخ عتیق نے محلہ میں عوامی شکایت پر پانی کی ٹینکی کا معائنہ کیا جو گندگی سے بھرا پڑا تھا انہوں نے موقع پر موجود ٹی ایم او اور متعلقہ حکام کو ہدایت کی کہ وہ فوری طور پر ٹینکی کی صفائی کو یقینی بنائیں ۔

آگے پڑھیں

خیبر پختونخوا کے سرکاری و نجی ہسپتالوں میں ہڑتال

ڈاکٹر امجد تقویم کا اغوا,خیبر پختونخوا کے سرکاری و نجی ہسپتالوں میں ہڑتال
پشاور میں سینئر ڈاکٹر امجد تقویم کے اغوا کے خلاف خیبر پختون خوا کے تمام سرکاری اور پراییوٹ ہسپتالوں میں ہڑتال جاری ہے۔ڈاکٹر امجد تقویم کو منگل کی شب نامعلوم افراد نے حیات آباد سے اغوا کیا تھا۔ڈاکٹر امجد تقویم کے اغوا کے خلاف اج پانچ ویں روز بھی ہڑتال جاری ہے۔صوبے کے تمام بڑے سرکاری اور پرائیویٹ ہسپتالوں میں ڈاکٹروں نے کام بند کر دیا ہے ۔ ہسپتالوں کی اوپی ڈی اور دیگر وارڈوں میں مریضوں کو نہیں دیکھا جا رہا۔ڈاکٹر صرف ایمرجنسی کو دیکھ رہے ہیں ۔ ڈاکٹروں کا کہنا ہے کہ ڈاکٹر امجد تقویم کی عدم بازیابی کی صورت میں احتجاج کا دائرہ کار دیگر صوبوں تک پھیلایا جاے گا۔آئندہ لائحہ عمل طے کرنے کے لیے ڈاکٹر تنظمیوں کا اجلاس رات اٹھ بجے طلب کر لیا ہے،ہڑتال کے باعث مریضوں کو شدید مشکلات کا سامنا کرنا پڑ رہا ہے۔

آگے پڑھیں

الپوری میں ہلکی بوندا باندی

الپوری شانگلہ کے ضلعی ہیڈ کوارٹر الپوری میں ہلکی بوندا باندی ، موسم خنکی میں اضافہ،گرم بلوزر ،جرسیاں ، گرم کپڑوں گرماگرم کھانوں پر رش ہوگیا۔ تفصیلات کے مطابق شانگلہ میں ایک مہینہ بعد موسم سرما کی بارش ہوئی تو موسم جو ایک ماہ خشکی کی وجہ سے جو قدرے معتدل ہوا تھا ایک مرتبہ پھر سرد ہوگیا جس کے بعد لوگوں نے گرم بلوزرز ، سویٹرز اور گرم کپڑے پہننا شروع کردئیے۔ شانگلہ میں اکتوبر کے وسط میں موسم سرما کی ہلکی برف باری شروع ہوئی تو موسم یک دم سرد ہوگیا ۔ تاہم بعد میں ایک ماہ موسم خشک ہوگیا جس سے موسم میں کافی تبدیلی ائی۔ اب موسم سرما کی دوسری بارش ہوئی تو موسم ایک مرتبہ پھر سرد ہوگیا۔

آگے پڑھیں

ستر ہ سالہ نواجوان پہا ڑ سے گر کر جاں بحق

کالام کے نواحی گاؤں اوشو میں ستر ہ سالہ نواجوان پہا ڑ سے گر کر جاں بحق آبائی قبرستا ن میں سپر دخا ک کر دیا گیا ۔ مقامی ذرائع کے مطابق جمشید ولد ملک معازالدین سکنہ اوشو ایصال کوٹ گھر سے بکریوں کی تلاش میں لاؤلاٹ کے پہاڑ پر گیا ہوا تھا جہاں پر پاؤں پھسلنے سے گر کر موقع پر ہی جان بحق ہوگئے جسے بعد ازاں مقامی قبرستان میں سنکڑوں اشکبار آنکھوں سے سامنے سپر د خاک کردیا گیا ۔

آگے پڑھیں

علاقہ شلدرہ زندگی کے بنیادی سہولیات سے محروم

منگلور کا علاقہ شلدرہ جدید دور میں زندگی کے بنیادی سہولیات سے محروم ،مکین مسائل ومشکلات سے دوچار ،بنیادی سہولیات نہ ہونے کے وجہ سے لوگوں کی زندگی اجیرن بن گئی ،ممبران اسمبلی ووٹ لینے کے بعد سکرین سے غائب ،روڈ ،بجلی ،پینے کے پانی ،صحت اور دیگر مسائل برسوں میں حل نہ ہو سکے ، ممبران اسمبلی سے شلدرہ کیلئے وقت نکالنے توجہ دینے کا مطالبہ،تفصیلات کے مطابق سوات منگلور کا علاقہ شلدرہ کے عوام نے فورم میں اظہار خیال کرتے ہوئے کہا کہ اس دور جدید میں بھی منگلور کا علاقہ شلدرہ زندگی کے بنیادی سہولیاسے محروم ہے مکین مسائل ومشکلات سے دوچار ہے سہولیات نہ ہونے کے وجہ سے لوگوں کی زندگی اجیرن بن گئی ہیں ممبران اسمبلی ووٹ لینے کے بعد مکمل طور پر سکرین سے غائب ہو گئے ہیں اُنہوں نے کہا کہ علاقے میں پینے کے پانی ،روڈ ،بجلی ،صحت اور دیگر مسائل برسوں میں بھی حل نہ ہوسکے ہر دور حکومت میں اس علاقے کو نظر انداز کیا گیا ہے اس پورے علاقے میں ایک بھی ٹیوب ویل نہیں جس کہ وجہ سے علاقے کے عوام پینے کی پانی کئی کلو میٹر دور لانے پرمجبور ہے اُنہوں نے کہا کہ ان علاقے میں زیادہ تر گھروں میں بجلی بھی نہیں ہے اور لوگ تاریکی میں زندگی گزار رہی ہیںیہاں پر ایک اہم مسلہ روڈ کا ہے جو انتہائی خراب حالت میں جس پر گاڑی میں جانا ممکن نہیں ہے سیاستدان جب ووٹ لینے لیئے آتے ہیں تو بڑے بڑے دعووئے کر کے پھر اس علاقے کے طرف دیکھتا بھی نہیں ہے اُنہوں نے کہا کہ انتخابات کے بعد کسی بھی منتخب ممبر صوبائی اسمبلی یا قومی اسمبلی نے یہاں کا روخ نہیں کیا ہے جس پر علاقے کے عوام انتہائی مایوس ہو چکے ہیں اس ترقی یافتہ دور میں بھی ان علاقے کے لوگ انتہائی مشکل میں زندگی بسر کر نے پر مجبور ہے اُنہوں نے تحریک انصاف کے پی کے 80سے منتخب ممبر صوبائی اسمبلی عزیز اللہ خان (گران ) اوراین اے 29 ممبر قومی اسمبلی مرا د سعیدسے مطالبہ کیا ہے کہ ان کے علاقے کے مسائل حل کیا جائے ،علاقہ شلدرہ کے عوام اکبر علی ،کشور ،عنائت ،سربلند ،بختی روان اورمحمد رسول کافورم میں اظہار خیال ۔

آگے پڑھیں

محکمہ فارسٹ کی کارروائی ،لاکھوں مالیت کے قیمتی سلیپر برآمد‘ملزم گرفتار

ڈی ایف او نے خفیہ اطلاع ملنے پر چھاپہ مار ٹیم کے ذریعے ایک ٹرک سے لاکھوں روپے کے قیمتی سلیپران بر آمد کر لئے
ٹرک ڈرائیور سے ایک لاکھ پچاس ہزار روپے جر مانہ وصول‘ سلیپران بحق سرکار ضبط ‘ سمگلنگ میں ملوث فارسٹر و فارسٹ گارڈ ز معطل
سوات( )سوات فارسٹ ڈویژن کی کامیاب کاروائی ،لاکھوں روپے کی قیمتی سلپران برآمد ۔ملزم گرفتار ،گزشتہ روز ڈی ایف او سوات کو خفیہ زرائع سے اطلاع ملی کہ بالائی علاقوں سے انے والی ٹرک میں بھاری تعداد میں سلیپران کو دیگر شہر وں کو سمگل کیا جارہا ہے جس پر ایک چھاپہ مارپارٹی تشکیل دے دی گئی جنہوں نے ایک ٹرک نمبر sw8114 کو بالائی پاس روڈ پر روک لیا جسکو ڈرائیور باچہ سکنہ امان کوٹ چلا رہا تھا تلاشی کے دوران ٹرک سے ستر عدد دیار کی قیمتی سلپران برامد کرکے ڈرائیور کو حراست میں لے لیا دریں اثناں ملزم کو محمد اشفاق خان کی عدالت میں پیش کردیا جہاں پر انہوں نے ٹرک ڈرائیور سے ایک لاکھ پچاس ہزار روپے جر مانہ وصول کرکے سلیپران بحق سرکار ضبط کر لی ،جبکہ ڈی ایف او سوات نے فوری طور پر سمگلنگ میں ملوث اہلکاروں ایک فارسٹر اور دو فارسٹ گارڈ ز کو معطل کرکے مذید انکوائری شروع کردی۔

آگے پڑھیں

اشیائے ضروریہ کو پَرلگ گئی

ضلع سوات میں بے قابو مہنگائی اور بڑھتی ہوئی بیروزگاری سونامی کاروپ دھارلیا،
اشیائے ضروریہ کو پَرلگ گئی ، اشیائے خوردونوش کی قیمتوں میں بے تحاشہ اضافے نے غریب عوام کا جینا مشکل کردیا، علاقے میں روزگار ناپید، غریب طبقہ زندہ درگور ، حکمرانوں نے مہنگائی کے ذریعے غریبوں پر ڈرون حملے شروع کردئیے، غریب عوام نے مہنگائی کے آگے ہتھیار ڈال دئیے، تفصیلات کے مطابق حکمرانوں کی ناقص پالیسی کے باعث ملک کے دیگر حصوں کی طرح سوات میں ان دنوں کمرتوڑمہنگائی کی زد میں ہے جبکہ علاقے میں روزگار نہ ہونے کے باعث بیروزگاری کاجوسیلاب اُمڈ آیاہے ۔ اس نے غریبوں سے ان کے جینے کا حق بھی چھین لیاہے جبکہ حکمرانوں کی طرف سے غریبوں پر مہنگائی کے تابڑ توڑ ڈرون حملے ہورہے ہیں اوربیروزگاری نے بھی سونامی کاروپ دھارکر ہر دروازے پر دستک دے رہے ہیں ۔ جبکہ حکمرانوں اورعوامی نمائندوں نے بھی عوام کو مہنگائی اور بیروزگاری کے حوالے کرکے خود تماشائی بن گئی ہے۔

آگے پڑھیں

پٹرولیم مصنوعات کی قیمتوں میں اضافہ ٗ

پٹرولیم مصنوعات کی قیمتوں میں اضافہ ٗ مہنگائی کا سیلاب اُمڈ آیا، پریشان حال عوام کو ایک اورجھٹکا،موجودہ حکومت نے بجلی اورپٹرولیم مصنوعات میں پے درپے اضافہ کرکے سابقہ حکومت کو بخشوادیا، ڈویشن بھرکے عوام نے پٹرولیم مصنوعات میں کمرتوڑ اضافہ مستردکردیا، بین الاضلاعی ٹرانسپورٹ کرایوں میں اضافہ ٗ عوام اورٹرانسپورٹرز میں آئے روز تو، تو میں ، میں ، تفصیلات کے مطابق موجودہ حکومت نے دوماہ کے دوران پٹرولیم مصنوعات کی قیمتوں میں پندرہ روپے کا ہوشربا اضافہ کرکے صارفین کے ہوش اُڑادئیے پٹرولیم مصنوعات کی قیمتیں بڑھنے سے اشیائے خوردنی اورروزمرہ ضرورت کی چیزوں میں یکدم اضافہ نے لوگوں کو چکرادیا واضح رہے کہ ماہ اگست میں مہنگائی کی شرح میں تقریباً ۹ فیصد اضافہ ہوچکاہے اوربجلی ، پٹرولیم مصنوعات کی قیمتوں میں حالیہ اضافے نے رہی سہی کسر بھی پوری کردی برسراقتدار آنے سے پہلے عوام کو ریلیف دینے کے بلند دعوے کرنے والے لیگی حکمرانوں نے دوماہ میں عوام پر اضافوں کا بوجھ ڈال کر ان کی کمرتوڑ دی ٹرانسپورٹ کرایوں میں اضافے کابراہ راست اثر ملازمت پیشہ اورعام لوگوں پرپڑتا ہے جو پہلے ہی مہنگائی کے ہاتھوں ادھ موئے ہوچکے ہیں عوامی حلقوں نے حکومت سے مطالبہ کیا ہے کہ پٹرولیم مصنوعات کی قیمتوں میں حالیہ اضافے کو فوری طور پر واپس لیاجائے اورلوگوں کی زندگی آسان بنائی جائے۔

آگے پڑھیں

منتخب ممبران اسمبلی نے اپنے موبائل آف کردئیے

خیبرپختونخواہ میں تبدیلی کاآغاز ، منتخب ممبران اسمبلی نے اپنے موبائل آف کردئیے ، کپتان نے تبدیلی کااختیاربیوروکریٹس کو سونپ دیا، عوام افسرشاہی کے رحم وکرم پر ، تفصیلات کے مطابق خیبرپختونخوا میں تبدیلی کاآغاز ہوگیاہے انصاف سب کیلئے فارمولے کے مصداق تحریک انصاف کے چیئرمین عمران خان نے انصاف کا ترازو بیوروکریٹس کے ہاتھوں میں تھمادیا، ممبران اسمبلی عضو معطل بنائدیے گئے جبکہ ممبران اسمبلی نے ممبر بننے کی خوشی میں چھ مہینے تک توفون آن رکھے اب ان کے فون آف آنا شروع ہوگئے سوات سے ایک منتخب رکن قومی اسمبلی شاید اسلام آباد سے کامیاب ہوئے ہیں اسلئے وہ اسلام آباد میں ہی نظرآتے ہیں جبکہ دوسرے ممبران اسمبلی نے بھی اپنے فون آف رکھنا شروع کردئیے ہیں دوسری طرف پارٹی کے چیئرمین عمران خان نے بیوروکریٹس کے ہاتھوں میں انصاف کاترازو تھمادیاہے اورصوبہ میں گڈ گورننس کیلئے انکی خدمات حاصل کرلی ہیں حالانکہ سابقہ حکومتوں میں یہ بیوروکریٹس اپنے شاندار خدمات کافریضہ سرانجام دے چکے ہیں جس میں یہ بیوروکریٹس اے این پی اور پی پی پی کے اراکین اسمبلی کے آگے پیچھے پھرتے تھے اس دور کے ایم پی ایز توعوام کے سامنے ہروقت دستیاب رہتے تھے لیکن موجودہ منتخب نمائندے نہ تو عوام کاکام نکال سکتے ہیں اور نہ ہی عوام میں رہنا پسند کرتے ہیں شایداسکی وجہ یہ ہے کہ ایم پی ایز کلاس فور کا تبادلہ بھی نہیں کرسکتے ۔ نہ ہی انکی کوئی سنتا ہے اس لئے یہ اب عوام کے سامنے آنے سے بھی گریزاں رہتے ہیں

آگے پڑھیں

سوات: کمشنر ملاکنڈ ڈویژن محمد افسر خان کا چکدرہ مدین ہائی وے کا معائنہ

سوات کمشنر ملاکنڈ ڈویژن محمد افسر خان نے منگل کے روز چکدرہ مدین روڈ کانجو شریف آباد سیکشن اور کانجو مدین سیکشن کا معائنہ کیا ، اس موقع پر محکمہ مواصلات و تعمیرات کے متعلقہ افسران بھی انکے ہمراہ تھے ، کمشنر نے متعدد مقامات پر جاری کام اور زیر تعمیر پلوں کا معائنہ کیا انہوں نے کبل میں سڑک میں آنے والے دکانوں کو اب تک نہ گرانے پر ناراضگی کا اظہار کیا اور ہدایت کی کہ ان دکانوں کو جلدی مسمار کر کے سڑک کی حدود کو بحال کیا جائے انہوں نے ہدایت کی کہ سڑک کے شولڈرز کو جلد از جلد مکمل کیا جائے اور حفاظتی دیواروں کے کام کو بھی جلد از جلد مکمل کیا جائے ، کمشنر نے یہ بھی ہدایت کی کہ ہائی وے میں اعلیٰ کوالٹی میٹریل کا استعمال یقینی بنایا جائے اور اسکی بروقت تکمیل میں کوئی رکاوٹ نہ کرنے دی جائے ، محمد افسر خان نے ہدایت کی کہ زمین اور دکانوں کے مالکان کو معاوضے کی فراہمی میں کوئی رکاوٹ نہیں ہونی چاہیے ۔

آگے پڑھیں

محمد سلیمان خان ولد چمنی گل 30نومبر سے لاپتہ

مینگورہ (صبح سوات) علاقہ مدین گاؤں شامیرے تحصیل بحرین کے محمد سلیمان خان ولد چمنی گل 30 نومبر2013 کو

گھر سے ناراض ہوکر لاپتہ ہوگیا ، تفصیلات کے مطابق علاقہ مدین گاؤں شامیرے تحصیل بحرین کے محمد سلیمان خان ولد چمنی گل گھر سے ناراض ہوکر کئی لاپتہ ہوگیا ہے جسکا عمر 14 سے ہے ساتویں جماعت کا طالب علم ہے اور قد سے چارفٹ ، رنگ سرخ سفید نیلی جرسی کالی کھیڑیاپہنے ہوئے ہیں ،اگر کسی نے دیکھا تو اس نمبر0346944560 پر رابطہ کریں، سلیمان خان کی باپ نے کہا کہ جس نے اطلاع کی میں اپنے جیب سے 5000 کا نقد انعام دونگا ۔

آگے پڑھیں

مینگورہ میں معذورافرادکے عالمی دن کے موقع پر واک

مینگورہ معذور کے عالمی دن کے موقع پرای پی ایس، ہیلپنگ ہینڈ ، اور کوہسار سپیشل ایجوکیشن سکول کی جانب سے

واک کا اہتمام کیا گیا واک کے شرکاء شہر کے مختلف شاہراوں سے ہوتے ہوئے سوات پریس کلب پہنچے ،جہاں خصوصی افراد سے اپنے خطاب میں ای پی ایس کے ایگزیکٹیو ڈائریکٹر اکبر زیب ، ہیلپنگ ہینڈ کے امجداحمد ، شمشیر علی اور کوہسارسپشل ایجو کیشن سکول کے پرنسپل نے کہا کہ معذور وں کے عالمی دن اس حوالے سے منایا جارہا ہے کہ وہ دنیامیں اپنی معذوری کو مجبورنہ بنا سکے بلکہ ایک کار آمد شخص بن کر معاشرے پر بوجھ بن جانے کے بجائے اس معاشرے کو سنوارنے میں اپنا کردار اداکرسکے ، اس موقع پر معذور بچوں سماعت سے محروم بچوں اور بچیوں نے اس عزم کا اظہارکیا کہ ہم معاشرے پر بوجھ نہیں بنیں گے بلکہ معاشرے کو سنوارنے میں اپنا کردار ادا کریں گے ، ہم عالمی دن کے حوالے سے اس بات کا عزم کرتے ہیں کہ حکومت اور حکومتی اداروں ہیلپنگ ہینڈ کے تعاون ، سپیشل ایجو کیشن کے تعاون سے اپنے معذوری کو مجبوری نہیں بننے دینگے بلکہ اس کو ہم ثابت کرینگے کہ ہم نارمل لوگوں کی طرح کام کریں گے اور معاشرے پر بوجھ نہیں بنیں گے ۔

آگے پڑھیں

آٹا فروشوں کی من مانیاں ، خود ساختہ ریٹ مقرر

مینگورہ  سوات میں آٹا فروشوں کی من مانیاں ، خود ساختہ ریٹ مقرر کرکے عوام سے زائد قیمت وصول کررہے ہیں ، ضلع سوات کے عوامی ، کاروباری اور سماجی حلقوں نے ضلعی انتظامیہ سے مطالبہ کیا ہے کہ حکومت کے مقرر کردہ ریٹ پر آٹے کی فروخت یقینی بنائی جائے ، تفصیلا ت کے مطابق حکومت کی طرف سے آئے روز اشیاء خوردونوش کی قیمتوں میں اضافے کے باعث دکانداروں نے بھی من مانیاں شروع کررکھی ہیں ، وہ سرکاری مقر کردہ ریٹ پر آٹا فروخت کرنے سے انکاری ہے ، حکومت کی طرف سے مقرر کردہ ریٹ 860 فی بیس کلو گرام تروڑہ ہے ، جبکہ سوات کے دکاندار آٹے کاخود ساختہ نرخ مقرر کرکے 920 تا 950 روپے پر فروخت کررہے ہیں ، اس طرح دیگر اشیاء کی قیمتوں میں بھی اضافہ کیاگیا ہے ، عوامی حلقوں نے حکومت ضلعی انتظامیہ سے مطالبہ کیا ہے کہ اشیاء خوردونوش کی قیمتوں پر کڑی نظر رکھیں خصوصاً آٹا ڈیلروں کی من مانیوں سے عوام کو بچایاجائے۔

آگے پڑھیں

یوٹیلیٹی سٹور عملے کا نامناسب رویہ ایک ماہ سے آٹا اور چینی سٹور میں دستیاب نہیں

بحرین ، یوٹیلیٹی سٹور عملے کا نامناسب رویہ ، صارفین سرپاا حتجاج
ایک ماہ سے آٹا اور چینی سٹور میں دستیاب نہیں ، فراہمی کی جائے
بحرین یوٹیلٹی سٹور کے مالک کے رویے پر عوام سراپااحتجاج بن گئے ہیں ، کیونکہ ایک ماہ سے آٹا اورچینی سٹور میں نہیں ملتا۔ عوام سراپا احتجاج بن گئے ہیں ، جبکہ دیگر یوٹیلٹی سٹوروں میں خوراکی اشیاء موجود ہوتاہے فوری طور پر یوٹیلٹی سٹورکوآٹا اورچینی فراہم کرکے غریب اورنادار افراد کے مسائل حل کئے جائیں ۔

آگے پڑھیں

بونیر ‘ٹریفک پولیس اہلکار نے ایماندار ی کی مثا ل قائم کر دی

چالان کر تے وقت گاڑی ڈرائیور نے رشوت کی آفر کی
بونیر ٹریفک پولیس اہلکار کی ایماندار ی گاڑی کی چالان کاٹتے ہوئے گاڑی ڈرائیور کی طرف سے رشوت کی آفر کر نے پر پولیس اہلکار نے گاڑی والے کو پانچ سو فیصد زیادہ کاٹ دیا۔تفصیلات کیمطابق جوڑ بازار میں ٹریفک ڈیوٹی پر معمور پولیس اہلکار جن کا تعلق بونیر مٹوانی سے بتایا جاتا ہے۔منگل کے صبح اپنی ڈیوٹی سرانجام دیتے ہوئے بونیر تورورسک سے تعلق رکھنے والے گاڑی ڈرائیور کو ٹریفک اصولوں کی غیر قانونی کرنے پر دو سو روپیہ کی لگ بھگ چالان کاٹ رہا تھا کہ ڈرائیور نے پچاس روپے کا نوٹ ان کے ہاتھ میں تمانے کی کوشش کی اور رشوت دینے کا افر کردیا۔جس پر ٹریفک پولیس اہلکار نے اس ڈرائیور کو دوسو کی بجائے ہزار روپے کا چالان کاٹ کر پرچہ دیا۔اور کہا کہ اس طرح کر نے سے پاکستان کے خزانے اور میرے ایمان کو ناقابل تلافی نقصان پہنچتا ہے۔لہذا یہ باری چالان اسلئے کاٹ دیا کہ آئیندہ کسی پولیس اہلکار کو آپ رشوت دینے کی جراٗت نہ کریں۔

آگے پڑھیں

تیمر گرہ ہسپتال‘ لاکھوں روپے کی مشینری زنگ الود ہو نے کا خد شہ

مشنری زیر استعمال نہ لانے کا معاملہ چیئرمین نے قائمہ کمیٹی کے سپرد کر دیا
چیئرمین سینٹ سید نیئر حسین بخاری نے تیمر گرہ ہسپتال میں لاکھوں روپے کی مشینری زیر استعمال نہ لانے کے معاملے پر سینیٹر زاہد خان کی تحریک استحقاق قائمہ کمیٹی کے سپرد کردی۔ منگل کو ایوان بالا کے اجلاس کے دوران سینیٹر زاہد خان نے تحریک استحقاق پیش کرتے ہوئے کہا کہ انہوں نے گزشتہ دور میں ڈسٹرکٹ ہسپتال تیمرگرہ میں ایک او پی ڈی اپنے ترقیاتی فنڈز سے بنوائی جس پر کام دسمبر 2012ء میں مکمل ہوا جس پر اڑھائی کروڑ روپے خرچ ہوئے ابھی تک ہسپتال میں مختلف مشینیں بند پڑی ہیں اور انہیں استعمال میں نہیں لایا گیا، متعلقہ حکام کے سامنے متعدد بار یہ معاملہ اٹھایا گیا لیکن کوئی نوٹس نہیں لیا گیا اور علاقے کے عوام علاج کی بنیادی سہولیات سے محروم ہیں اس سے ان کا استحقاق مجروح ہوا ہے اس مسئلے پر معاملہ قائمہ کمیٹی برائے استحقاقات کے سپرد کیا جائے۔ چیئرمین نے معاملہ قائمہ کمیٹی کے سپرد کر دیا۔

آگے پڑھیں

مارے معاشرے میں معذورافراد کو اچھی نظر سے نہیں دیکھا جاتا

مینگورہ پاکستان سپیشل پرسن ڈویلپمنٹ آرگنائزیشن کے صدریوسف خان نے کہاہے کہ ہ

مارے معاشرے میں معذورافراد کو اچھی نظر سے نہیں دیکھا جاتاحالانکہ ان افرادمیں اعلیٰ تعلیم یافتہ اورباصلاحیت لوگ موجود ہیں جو ملک وقوم کی تعمیر وترقی میں وہ کرداراداکرسکتے ہیں جو دیگرلوگ اداکررہے ہیں،ان خیالا ت کا اظہار انہوں نے گذشتہ روز معذورافرادکے عالمی دن کے حوالے سے سوات پر یس کلب میں پریس کانفرنس سے خطاب کرتے ہوئے کیا،اس موقع پر جنرل سیکرٹری مرادخان،فنانس سیکرٹری ڈاکٹر امجد،سجاد خان،ضیاء اللہ خان اوردیگر بھی موجود تھے،انہوں نے کہاکہ آج پوری دنیا میں معذورافرادکا دن منایا جا رہا ہے اورآج کی پریس کانفرنس اس سلسلے کی ایک کڑی ہے،انہوں نے کہاکہ ہمارے ملک میں اقوام متحدہ کی جانب سے معذورافراد کے حوالے سے ہونے والی کنونشن پر عملدرآمد نہیں ہورہا جس کی وجہ سے معذورافرادکے مسائل میں کمی کی بجائے مسلسل اضافہ ہورہاہے،انہوں نے کہاکہ ہماری حکومتیں معذورافرادکی حالت پر توجہ دینے کی زحمت تک گوارہ نہیں کرتیں یہی وجہ ہے کہ ان افرادمیں احساس محرومی بڑھ رہا ہے،انہوں نے کہاکہ سوات میں چالیس ہزارمعذورافرادموجود ہیں جو اس وقت دردرکی ٹھوکریں کھاتے پھررہے ہیں ،انہوں نے کہاکہ تمام محکمے ایم این اے اورایم پی اے کی زیرنگرانی کام کررہے ہیں مگر یہ حکومتی ذمہ داران ہمیں توجہ نہیں دیتے ،ہم نے آج کے دن کے حوالے سے پروگرام میں شرکت کی دعوت دینے کیلئے ایم این اے سلیم الرحمان ،ایم پی ایز فضل حکیم،جعفرشاہ،محمودخان اوروزیراعظم کے مشیر امیرمقام سے رابطے کئے مگرافسوس کہ ان تما م افرادنے ہمیں بری طرح مایوس کردیا،انہوں نے کہاکہ حکومت اوردیگر اعلی ٰ حکام ان معذورافراد کیلئے کالج ،سکول اورٹیکنیکل ادارے قائم کرنے سمیت تمام تر سرکاری محکموں میں پانچ فیصد کوٹہ مقررکریں اورہمیں درپیش مسائل اورمشکلات کے حل کیلئے اقدامات اٹھائیں۔

آگے پڑھیں

چکدرہ پل کو دسمبر کے اخر تک عام ٹر یفک کے لیے کھو ل دیا جا ئیگا

خیبر پختو نخوا کے صو با ئی وزیر خزانہ سراج الحق نے کہا کہ انتہا ئی اہمیت کے حا مل چکدرہ پل کو دسمبر کے اخر تک عام ٹر یفک کے لیے کھو ل دیا جا ئیگا چکدرہ سے چترال اور وسطی ایشائی ممالک تک 220کلومیٹر کا فا صلہ اسا ن ترین ذریعہ ہے صو بائی وزیر خزانہ خیبر پختو نخوا سراج الحق نے گزشتہ روز چکدرہ زیر تکمیل نئے پل کا دورہ کیا اور وہا ں پر این ایچ اے احکام سے بریفینگ لے لی اس کے بعد چکدرہ پر یس کلب میں پریس کا نفر نس کیا اس موقع پر نیشنل ہا ئے وے اتھا رٹی خیبر پختونخوا کے جنرل مینجر عبد ا لصمد سمیت ممبران قو می اسمبلی صاحبزادہ محمد یعقوب خان ،صاحبزادہ طا رق اللہ ،ملا کنڈ کے ایم این اے جنید اکبر موقع پر مو جو د تھے سر اج الحق نے کہا کہ چکدرہ سے چترا ل تک سڑک انہتا ئی اہمیت کا حا مل ہے جس سے سنٹرل ایشاء تک رسا ئی انتہا ئی اسا نی کے ساتھ ہو سکتی ہے اس لیے صو با ئی حکو مت کی کو شش ہے کہ وہ این ایچ اے کے احکام سے ملکر اس سڑک کی تعمیر و کشاد گی کے لیے چکدرہ ٹو چترال اور چترال سے تا جکستان تک دوسو بیس کلو میٹر کا راستہ جو کہ آمد ورفت کا اسان راستہ ہے اْ نہو ں نے کہا کہ چکدرہ کے زیر تکمیل پل کو دسمبر کے اخر تک عام ٹر یفک کے لیے کھو ل دیا جا ئیگا جس سے چا ر اضلاع کے 50ہزار افراد روزانہ مستفید ہو نگے اس کے علاوہ تالاش ،شمشی خان کے مقا م پر دو نئے پلو ں کی تعمیر کی فزیبلٹی رپورٹ اخر ی مر احل میں ہیں ممبران قو می اسمبلی دیر پا ئین اور دیر با لا صاحبزادہ محمد یعقوب خان ،صا حبزادہ طا رق اللہ اور ملاکنڈ کے ایم این اے جنید اکبر نے کہا کہ ملا کنڈ ڈویثر ن کے تمام ممبرا ن اسمبلی سرا ج الحق کی قیا دت میں ایک گر ینڈ جر گہ وفد وزیر اعظم سے ملا قا ت کر کے مر دان سے چکدرہ تک 220KVبجلی کی ٹرانسمیشن لا ئن بچھا نے اور چکدرہ تا چترال روڈ کی تعمیر دیر لو ئر کی تمام علا قو ں کے لیے خصو صی پیکچ منظور کرا ینگے تا کہ ملا کنڈ ڈویژن تر قی کے راہ پر گا مزن ہو سکے سراج الحق کو چکدرہ تا گل آبا د با ئی با س روڈ کی تعمیر کی نشاند ہی بھی کی گئی جس سے چا ر اضلا ع کے عوام کو ٹر یفک کی سہو لت میسر ہو نے کے ساتھ ساتھ چکدرہ با زار میں ٹر یفک کا رش بھی کم ہو جا ئے گا بعد میں سینئر وزیر اور وزیر خزانہ سرا ج الحق نے چکدرہ ٹرانسفر مرز مر متی ور کشاپ کا دورہ کیا ۔

آگے پڑھیں

رباب ویڈیو: پشتو موسیقی کا بہترین انداز

Afghan Pashtoon Music Rabab in Swat near Matta... by pashtotanktakoor

پشتو موسیقی میں جہاں اور بھی بہت سارے ساز استعمال ہوتے ہیں وہاں پر رباب کی اپنی ایک خاص اور منفرد پہچان ہے۔ اس ویڈیو میں رباب کی دلکشن دہن پر پشتو موسیقی کا سرور ہی الگ ہے۔ ملاحظہ کیجئے۔۔۔

آگے پڑھیں

ہمارے ساتھ ظلم ہوا ہےہمیں انصاف فراہم کریں۔

مینگورہ(صبح سوات)تحصیل مٹہ کے علاقہ سمبٹ چم کے رہائشی شاہ بخت روم نے کہاہے کہ ایف ایچ اے والوں نے ان کی زیرتعمیر عمارت کو مسمار کرکے انہیں پچیس لاکھ روپے کا نقصان پہنچایا ہے،حکومت اوردیگر اعلیٰ حکام اس ضمن میں تحقیقات کرکے انصاف فراہم کریں،ان خیالات کا اظہارانہوں نے سوات پریس کلب میں پریس کانفرنس سے خطاب کرتے ہوئے کیا،اس موقع پر فضل اعظیم،اکرام اللہ،باچاعلی خان اوردیگر بھی ان کے ہمراہ تھے،انہوں نے کہاکہ کچھ عرصہ قبل وہ علاقہ سمبٹ میں دکانیں تعمیر کررہے تھے کہ اس دوران انہیں ایف ایچ اے کی جانب سے کام بندکرانے کا نوٹس ملا جس کے بعد ہم نے کا م بند کردیا اوردوبارہ کام شروع کرانے کیلئے دوڑ دھوپ شروع کی ،کافی کوششوں کے بعد انہیں اجازت مل گئی ،انہوں نے کہا کہ جب ہم نے کام شروع کیا اورتعمیراتی کا م کو آخری مراحل میں پہنچایا تو اس دوران ریاض علی نامی تحصیلداراورانجینئرخان باچا نے دیگر اہلکاروں کے ہمراہ آکر ہماری عمارت کو مسمارکردیا جس سے ہمیں پچیس لاکھ روپے کا نقصان اٹھانا پڑا،انہوں نے کہاکہ ہمارے آس پاس دیگرعمارتیں بھی زیرتعمیر ہیں مگرسوال یہ پیداہوتا ہے کہ ہماری عمارت کو کیوں مسمار کردیاگیا،انہوں نے کہاکہ ہم نے کام شروع کرنے سے قبل ایف ایچ اے کو تحریر بھی دی تھی کہ ضرورت پڑنے پر ہم خود اپنی عمارت کو مسمارکریں گے مگر اس کے باوجود بھی ہمیں اطلاع دئے بغیر ہماری عمارت کو مسمارکردیا گیا ،انہوں نے کہاکہ ہمارے ساتھ ظلم ہوا ہے لہٰذہ حکومت اوردیگر اعلیٰ حکام اس سلسلے میں فوری تحقیقات کرتے ہوئے

ہمیں انصاف فراہم کریں۔

آگے پڑھیں

بلدیہ مینگورہ کی حدود میں سٹریٹ لائٹس دن کے وقت روشن ، رات کو بجھادئیے جانے لگے

سوات (صبح سوات) بلدیہ مینگورہ کی حدود میں سٹریٹ لائٹس دن کے وقت روشن ، رات کو بجھادئیے جانے لگے ، ذمہ دار اہلکاروں نے دن اور رات کا فرق ختم کردیا ، مختلف محلوں میں دن کے وقت تمام سٹریٹ لائٹس روشن دیکھ کر لوگ ششدر رہ گئے متعلقہ حکام سے نوٹس لینے اور اصلاح احوال کا عوامی مطالبہ ، تفصیلات کے مطابق میونسل کمیٹی مینگورہ کی حدود میں قائم مین بازار ، محلہ بنجاریان محلہ شیر زادہ خان محلہ ڈبہ مسجد سمیت کئی دیگر محلوں میں دن کے وقت سٹریٹ لائٹس روشن کردئیے گئے گزشتہ روز دھوپ نہ ہونے کے باعث شائد بلدیہ مینگورہ کے اہلکار رات سمجھ کر تمام سٹریٹ لائٹس آن کرکے غافل ہوگئے سارا دن سٹریٹ لائٹس روشن رہے اور کسی بھی اہلکار نے اسے بجھانے کی زحمت تک گوارہ نہیں کی تمام محلوں کے مکینوں نے متعلقہ حکام سے مذکورہ اہلکاروں کی غفلت کے خلاف کارروائی اور اصلاح احوال کا فوری طورپر مطالبہ کیا ہے

آگے پڑھیں

عدم توجہی کے باعث عوام حکمرانوں سے بدظن

سوات (صبح سوات) سوات میں سات مہینوں میں ترقیاتی کام ندارد، عوامی مسائل کے حل پر عدم توجہی کے باعث عوام حکمرانوں سے بدظن ، مسائل ومشکلات کے شکار عوام نے بلدیاتی نمائندوں سے امیدیں وابستہ کردئیے ، منتخب عوامی نمائندوں نے عوام سے منہ موڑ لئے ، عوام نے سلگتے مسائل کے حل کیلئے بلدیاتی انتخابات کا شدت کیساتھ انتظار کرنے پر اکتفاء کردیا ، موجودہ دور حکومت کے سات مہینوں میں ترقیاتی کاموں کا پہیہ رک جانے پر عوامی سطح پر تشویش میں اضافہ ، تحریک انصاف کی تبدیلی بھی سواتی عوام کی تقدیر بدل نہ سکی،تفصیلات کے مطابق موجودہ دور حکومت کی سات مہینے بیت گئے لیکن اس دوران سوات بھر میں ترقی وخوشحالی کے لئے ایک کوڑی بھی خرچ نہ کرنا اور اس دوران ترقیاتی کاموں کاپہیہ رک جانا اور عوامی مسائل ومشکلات کے حل پر توجہ نہ دینے کے باعث سوات کے عوام حکمرانوں نے بدظن ہوگئے اجتماعی مفادات کے حوالے سے اقدامات نہ اٹھانے کے باعث بھی عوامی تشویش میں خطرناک حد تک اضافہ ہوگیا ہے اور عوام کو سبز باغ دکھانے کے عمل نے بھی عوام کو مایوس کردیا ہے سرکاری دفاتر میں عوام کاجائز کام بھی نہ ہونے کو عوام تحریک انصاف کی کمزوری اور آفیسرز پر ان کا گرفت نہ ہونا قرار دے رہے ہیں ، عوام کو بنیادی سہولیات کی طرف توجہ نہ دینا بھی تحریک انصاف کے تبدیلی کے نعروں کے برعکس تصور کیاجاتا ہے ، سوات سے تعلق رکھنے والے مختلف الخیال لوگوں نے حکمرانوں کوشدید تنقید کا نشانہ بناتے ہوئے واضح کیا کہ ان حکمرانوں سے مزید خیر کی توقع رکھنا عبث خیالی ہے ، اسلئے عوام نے اپنے مسائل کے حل اور سوات میں ترقی کا پہیہ دوبارہ رواں دواں رکھنے کیلئے آئندہ بلدیاتی انتخابات میں کامیاب ہونیوالے عوامی نمائندوں سے توقعات وابستہ کردئیے ہیں حکمرانوں سے بدظن اور مسائل ومشکلات کا شکار سواتی عوام نے بلدیاتی نمائندوں سے اس امید کیساتھ توقعات وابستہ کردئیے کہ ان کے کامیابی کے بعد سوات کے سلگتے مسائل حل ہونگے تاہم مسائل کے دلدل میں پھنسے ہوئے لوگون کے مسائل حل کیلئے بلدیاتی الیکشن کا شدت کیساتھ انتظار کرنے پر اکتفاء کردیا ہے ، تاہم سوات کے عوام نے گزشتہ دہائی کو سوت کی ترقی اور خوشحالی کے حوالے سے ایک اہم دور قرار دیا ہے اور سوات کی تعمیر وترقی کے حوالے سے سابق ممبران اسمبلی کی کارکردگی کو سراہا ہے۔

آگے پڑھیں

مینگورہ میں ٹریفک کا پلان ناکام

Picture Courtesy tribune.com.pk

سوات (صبح سوات) مینگورہ میں ٹریفک کا پلان ناکام ، ٹریفک پولیس کی جانب سے ٹریفک کی درستگی کو پشت دال کر صرف جرمانوں پر اکتفاء کردیا ، منٹوں کا راستہ گھنٹوں میں طے ہونے لگا، شہری پریشان ، ٹریفک پولیس مطمئن ، ممنوعہ اوقات میں ٹرکوں کی لوڈنگ ان لوڈنگ جاری ، ضلعی کچہری کے قریب ٹکٹنگ آفیسر سکندر حوالدار کو شریف شہریوں کی بے عزتی کا ٹاسک دیدیاگیا ، تفصیلات کے مطابق مینگورہ شہر میں ٹریفک پلان بری طرح ناکام ہوچکا ہے ، ٹریفک پولیس اپنے فرائض کی سرانجام دہی کی بجائے جرمانوں پر اکتفاء کررہی ہے ، جس کا سراسر مقصد اپنا کمیشن کھرا کرنا ہے ، ممنوعہ اوقات میں گرین چوک کے قریب اےئرپورٹ پر ٹرکوں کی لوڈنگ آن لوڈنگ دھڑے سے جاری ہے ، اس لوڈنگ ان لوڈنگ کی وجہ سے ٹریفک کے بہاؤ میں سخت خلل پڑتا ہے ، لیکن حساب کتاب برابر کرنے کیلئے انہیں کچھ نہیں کیاجاتا ضلعی کچہری کے قریب ٹکٹنگ آفیسر حوالدار سکندر کو شڑیف اور معزز شہریوں کی بے عزتی کا ٹاسک ٹریفک پولیس کی جانب سے سونپا گیا ہے سکندر نامی حوالدار کے بارے میں بتایاجاتا ہے کہ وہ بااثر ہونے کی وجہ سے اپنی مرضی کی جگہ پر تعینات ہوتا ہے اور اس کے خلاف کوئی کارروائی نہیں کی جاتی ، مینگورہ شہر میں ٹریفک کے ناقص نظام پر مینگورہ کے شہریوں مین سخت تشویش پائی جاتی ہے اور مینگورہ کے شہری نیک اور ایماندار آفسران کی ٹریفک پولیس میں تعیناتی چاہتی ہ ، لیکن صرف بااثر پولیس اہلکار ٹریفک میں تعینات کئے جاتے ہیں اور انصاف کی دھجیاں اڑائی جارہی ہیں۔

آگے پڑھیں